Nicole Louvier
LE PETIT QUINQUIN (LE CANCHON DORMOIRE) Paroles et musique: Alexandre Desrousseaux, 1855
REFRAIN:
Dors, Min petit quinquin,
Min petit pouchin, Min gros rojin
Te me feras du chagrin
Si te ne dors point ch'qu'à demain"
Ainsi, l'autre jour eune pauvre dentellière,
In amiclotant sin petit garchon
Qui de puis tros quarts d'heure, ne faijot que braire?
Tâchot de linformir par eune canchon
Elle li dijot: Min Narcisse,
De main, t'aras du pain n'épice
Du chuc à gogo
Si t'es sache et que te fais dodo!
REFRAIN
Et si te me laiche faire eune bonne semaine
J'irai dégager tin biau sarrau,
Tin pantalon de drap, tin giliet de laine...
Comme un petit milord te seras farau!
Je t'acaterai, le jour de le ducasse
Un porichinelle cocasse,
Un turlututu,
Pour jouer l'air du capiau-pointu...
REFRAIN
Nous irons dins le cour Jeannette-à-Vaques
Vir les marionnettes. Comme te riras,
Quand t'intindras dire: "Un doup poue Jacques!"
Pae le porichinelle qui parle magas
Te li mettras din se menotte,
Au lieu de doupe, un rond de carotte!
Ite dira merci!...
Pinse comme nous arons du plaisi!...
REFRAIN
Et si par hasard sin maite se fâche,
Ch'est alors Narcisse, que nous rirons!
Sans ne n'avoir invie, je prindrai men air mache
Je li dirai sin nom et ses surnoms,
Je li dirai des faribolles
I m'in répondra des drôles
Infin un chacun
Verra deux pestace au lieu d'un
REFRAIN
Allons serre tes yeux, dors min bonhomme
Je vas dire eune prière à Petit Jésus
Poue qu'i vienne ichi, pindant tin somme,
Te fair'rêver que j'ai les mains pleines d'écus,
Pour qu'i t'apporte eune coquille,
Avec du chirop qui guile
Tout le long de tin minton,
Te poulèque ras tros heures de long!...
REFRAIN
Le mos qui vient, de sainte Nicolas ch'est le fête
Pour sûr, au soir, i viendra te trouver
Ite fera un sermon, et te laichera mette
In dezous du ballot, un grand painnier.
I le rimplira, si tes sache,
De séquois qui te rindront bénache,
San cha, sin baudet
T'invoira un grand martinet
REFRAIN
Ni les marionnettes, ni le pain n'épice
N'ont produit d'effet. Mais le martinet
A vite rappajé le petit Narcisse,
Qui craignot de vir arriver le baudet
Il a dit se canchon dormoire...
Se mère l'a mis dins sen ochennoire:
A repris sin coussin,
Et répété vingt fos che refrain.