Renaud
TOUT IN HAUT DE CH'TERRIL Paroles: Arthur Wéry?, musique: Charlys, 1993
Dins chés corons queu r'mue-ménache
Chés mineurs vienn'te d'avoir leu congés
Prenn'te leu valisses et partent voyager
A la campagne ou vir leu parinté
Mi comme el'z'autes je prinds mes bagaches
Eje m'in vas mais je quitte pont min patelin
Je vos du pays voilà le manière que je m'y prinds
Sans débourser un sou de train
Eje passe mes vacances tout in haut de ch'terril
J'a toudis de la chance ch'terrain i'est jamais pris
Je monte eum'toile ed'tente, je vis tout seul, eje m'arrinche
Ej'siffle, ej'ris, ej'cante, ej'sus heureux de faire du campinche
Je me fais la popotte, je vis bien miux qu'à l'hôtel
Je mets comme les cocottes du rouche à mes ortels
Du haut dé me couplette je me cros à Chambéry
Mais Je ne suis qu'au faîte tout in haut de ch'terril
Comme point de vue faut vir ch'que je degotte
Les bos, les prairies des environs
Chés villaches, chés villes, nou corons
Et je me rinche l'oeul cha ne me coûte pas un rond
Sus min fu de bos je fais tout me gargotte
Viandox, peumes tierre frites, morcieau de lard
Et j'a monté trint'chinq lites ed'pinard
Pour mi chucher in père peinard...
Eje passe mes vacances tout in haut de ch'terril
J'a toudis de la chance de vir ch'que je vos ch'est à mi
Quand arrife eul'soir, ej'vos venir d'z'amoureux
I z'attindent qu'i fèche noir, mais mi je ne les quitte pos des yeux
I vont s'inlaçant, se dijant des balivernes
Tout in s'imbrassant dins chés blés, dins ch'luzerne
I's font des papoules in s'appelant "mon chéri"
Et mi je vos tout cha de tout in haut de ch'terril
Mais avant hier je n'a pont eu de chance
D'un seul cop vlà qu'i se met à pluvoir
Je rinte à l'abri d'zous min perchoir
Em'tente all pichot, ch'tot pire qu'un arrousoir
Alors j'a poussé la romance
J'a sorti pour m'éviter le cafard
Et j'a fluté chinq six lites eud'pinard
In berloquant comme un pochard...
J'a dégringolé tout in bas de ch'terril
Arrivé au pied je me sus relevé tout meurtri
Je sais pus quo que j'a fait, j'avos tell'mint eun'cuite
A le pache de me barette j'avos sus me tiête euch'codron à frites
A forche ed'bourler me panche sus des caillaux
Y'a eun'certain'plache i m'in manquot un morcieau
J'y'a mis un bout de loque je sus pos prêt d'ête gueri
Et je sus armonté tout in haut de ch'terril
Alorse pindant trente ans le mineur-campeur il ne quitte pis sin cher terril,
minme pinsionné il y va comme au passé. Seul'mint aujoud'hui i'est
malate, el'fosse all'l'a usé. I'est dins sin lit et les larmes aux yux in ravisant
à travers ech'carreau, i dit tout bas:
Comme cha va vite comme eul'temps passe
Au terril j'a campé bin d'z'années
A ch't'heure i faut l'abandonner
Je ne sus pus qu'un viux mineur pinsionné
Et je n'a pus que des oches dins me carcasse
J'sus vieilli mes gampes sont ramolies
Et de le fermiète in étant dins min lit
In le ravisant je dis ch'est fini
J'mon'tra plus jamais tout in haut de ch'terril
Fini désormais le médecin je l'ai ben compris
Par quarante ans de fond mes poumons i'ont quite cosse
L'poussière eud'carbon in appelle cha la silicosse
Ch'est bétot min tour ed'partir comme tant de viux
D'faire un long séjour là auprès du Bon Dieu
J'espère qu'i me laich'ra quand je serai au Paradis
Core venir in vavances tout in haut de min terril
J'espère qu'i me laich'ra quand je serai au Paradis
Core venir in vavances tout in haut de min terril